海景嘉福洲際酒店 - 「瀛」煮咖啡住宿計劃及入住報告，價錢每晚$1,838起+10%，入住尊尚客房一晚、雙人自助早餐、自選晚餐、雙人咖啡工作坊及櫻花咖啡掛耳包一份，快閃期間預訂可額外賺取6,000優悅會積分【入住日期：2022年6月18日至8月28日】

 

海景嘉福洲際酒店InterContinental Grand Stanford推出全新「瀛」煮咖啡住宿計劃，當中包含兩小時嘅日本主題咖啡工作坊，導師除咗會教櫻花樹咖啡拉花外、今次仲會教埋制作抹茶千層忌廉卷蛋，充滿日本風情，感謝酒店邀請迪迪去試玩，內文有詳盡介紹，相信阿迪哥，自己親手製作嘅抹茶千層忌廉卷蛋放响雪櫃雪咗一晚之後真係好好好好食！另外預訂時可以自選晚餐，分別可選擇海景軒套餐、Theo Mistral by Theo Randall或海景咖啡廳自助晚餐，阿迪哥今次享用咗自助晚餐，頗有驚喜！快閃期間預訂「瀛」煮咖啡仲可以額外賺取6,000 IHG優悅會積分，足夠換取曼谷智選假日酒店一晚連雙人免費早餐！

優惠詳情

● 入住日期：2022年6月18日至8月28日 (逢星期五至日)

🔥 快閃限時優惠：6月9日至6月24日期間預訂6月份內入住「瀛」煮咖啡住宿計劃可額外賺取6,000 IHG One Rewards優悅會獎勵積分

👉 按此進入酒店eShop預訂住宿優惠

海景嘉福洲際酒店「瀛」煮咖啡住宿計劃及入住報告，價錢每晚$1,838起+10%，收費包含：

● 尊尚客房住宿一晚
● 雙人海景軒/Theo Mistral by Theo Randall晚餐套餐 或 海景咖啡廊自助晚餐
● 雙人豐富自助早餐
● 櫻花咖啡掛耳包一份
● 雙人咖啡拉工作坊 (學習2D咖啡拉花每位客人一杯及製作抹茶千層忌廉卷蛋一份)
   - 場地：樂韻廳 - B3層
   - 時間︰入住當天下午三時至五時 (工作坊時間以訂房部之最終確認為準)

咖啡拉工作坊試玩報告

預訂咗「瀛」煮咖啡套票嘅咖啡拉花工作坊將會响入住日下午3時至5時於B3層嘅樂韻廳舉行。

製作抹茶千層忌廉卷蛋(抹茶毛巾卷)、食譜及沖咖啡工具一早已經放响參加學員嘅枱上面準備好...

導師首先講解一下流程...

開始示範製作過程...

煎卷蛋皮時抹茶味香噴噴、已經感到即時肚餓...

製作忌廉...

開始卷蛋糕喇...

卷好蛋糕之後就鋪上抹茶粉...身為綠茶控嘅阿迪哥當時已經按耐不住...

完成...不過未有得試食住...

因為繼續要學咖啡拉花...

今次打奶泡係用人手製作，並非用機打...

今次嘅東瀛主題，導師教大家响奶泡上面畫上櫻花樹...當時立即哼起...還記得櫻花正開、還未懂跟你示愛...

導師嘅示範完成喇！ 今次工作坊嘅兩個成品：抹茶毛巾卷及櫻花樹咖啡拉花...

跟住就輪到學員自己製作， 導師會從旁悉心指導，雖然阿迪哥好懶、但係又覺得真喺幾好玩喎...

作品完成喇！ 因為有導師從旁協助所以其實感覺都幾簡單...

工作坊完成後，學員親手製作嘅抹茶毛巾卷可供帶走，阿迪哥就冇即晚食，雪咗一晚之後其實都擔心抹茶蛋皮會變得又乾又硬，但最終享用嘅時候係...軟滑、抹茶味香濃，真係超級超級勁好食！

海景咖啡廳自助晚餐

今次「瀛」煮咖啡套票嘅晚餐係海景咖啡廳自助晚餐，但阿迪哥同埋同行朋友其實對自助餐都冇乜特別喜歡、而且冇存在任何期待。

好多時食自助餐迪迪都有兩個難題，第一個難題係有時啲餐廳嘅自助餐即使有好多食物、但往往都唔知想食乜好，因為完全唔吸引，而第二個難題係自助餐出面嘅食物樣樣都好吸引、都唔知食邊樣先好，好幸運今次係後者！

關於自助晚餐由於篇幅太長在此先賣個關子，留待下一篇自助晚餐入住報告再詳細描述。

海景咖啡廳自助早餐

自助早餐一切正常，現煮蛋區及麵檔都有，雖然阿迪哥唔飲酒，但係見到早餐竟然有免費氣泡酒都幾驚喜！

由於昨晚自助晚餐實在食得太飽，所以迪迪食咗一個榨菜肉絲火腿通粉及下圖食品就算。

總括嚟講整個行程非常精彩緊湊又好玩， 情況就好似以前去泰國旅行然後參加cooking class咁樣，襯住日本仲未正式自由行開關，今次可以當作係一個偽東瀛之旅。

👉 按此進入酒店eShop預訂住宿優惠

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)