阿迪哥首先祝各位爸爸父親節快樂！父親節正日都訂到香港君悅酒店Grand Hyatt Hong Kong嘅Tiffin下午茶都算幸運，幾日前訂需要後補，一日前通知有位、並且安排到窗口位都算安排得不錯，但最終現場都有唔少吉枱，大慨都係香港習以為常嘅情況。
今季下午茶主題為「春日下午茶」下午茶包括一Set英式下午茶及自助餐甜品櫃檯有香橙杏仁貝殼蛋糕、三款什錦朱古力、多款自家製雪糕、水果、窩夫及法式可麗餅任食以及咖啡或茶。
 |
| Tiffin茶園 |
 |
| Tiffin茶園 |
英式下午茶
 |
| 春日下午茶 |
甜點、鹹點每位各四件，兩件scone及芝士火腿三文治。
鹹點好好食，包括青豆撻、鵝肝三文治及柏爾馬火腿芝士三文治，唔好睇火腿芝士三文治咁簡單、但出來之時芝士仍然很香軟，超讚！甜點方面就太過甜了，沒有一件令人回味，所以食唔哂，至於佢個scone除咗原味外、今次仲有香橙味，深信好多網友都响酒店嘅行政酒廊食過好多次，仍保持一貫高水準。
任食甜品
 |
| 任食水果 |
 |
| 任食自家製雪糕 |
 |
| 任食即製窩夫及法式可麗餅 |
 |
| 任食即製窩夫及法式可麗餅 |
 |
| 任食即製窩夫及法式可麗餅醬汁 |
香橙杏仁貝殼蛋糕香軟美味，而朱古力就都係比較甜，即製窩夫及法式可麗餅發揮正常，可麗餅可以選擇香橙白酒汁，廚師會將可麗餅整塊浸於香橙白酒汁內，試過之後迪迪真係唔識欣賞，都係配番自己落嘅楓糖醬、朱古力醬、花生醬、芒果熱情果醬、紅桑莓醬、雲呢拿醬或煉奶食好啲。
 |
| 任食香橙杏仁貝殼蛋糕及雜錦朱古力 |
 |
| 香橙白酒汁可麗餅迪迪唔識欣賞 |
 |
| 任食甜品項目 |
 |
| 任食水果 |
自家製雪糕係茶園嘅招牌之一，佢哋專門會創造一些特色口味雪糕，今次提供嘅口味包括薄荷朱古力雪糕、榛子雪糕、紅桑子雪葩、椰子雪糕、佛手柑雪葩、伯爵茶雪榚、芒果糯米飯雪糕、香檳蜜桃雪葩、法國雲呢拿雪糕及法國72%朱古力雪糕，阿迪哥今次試咗薄荷朱古力雪糕、榛子雪糕、椰子雪糕、伯爵茶雪榚，薄荷朱古力幾乎係冇朱古力，除咗呢款之外其餘都好正！芒果糯米飯雪糕仲含有糯米飯粒，必試！
 |
| 自家製雪糕 |
茗茶
今次選擇咗Tiffin招牌Grand Hyatt Hong Kong Bespoke Blend自家調配茶及龍井，前者以檸檬、柑橘、迷迭香、羅勒、綠茶及茉莉調配，迪迪感覺好似去咗馬代做Spa嘅感覺，好好飲，而龍井相對比較淡香。
 |
| Grand Hyatt Hong Kong Bespoke Blend超推介 |
服務
咁遲訂都安排倒窗口位、後補亦認真跟進，亦有處理好阿迪哥唔食mayonnaise沙律醬嘅要求，而服務員服務正常，但若然甜品叔叔能夠免費贈送一點點笑容就會更理想。
價錢
星期一至五每位$368+10%，星期六及日每位$398+10%，因為阿迪哥在父親節正日用餐，酒店並沒有提供任何折扣優惠。
今次二人合共連服務費$875.60，共賺取659 World Of Hyatt積分，當中507分是Base points及Globalist會員30%獎勵152分。
 |
| 港佬都需要打下卡嘅 |
價錢性價比尚可，不過就沒有令迪迪再想回去嘅意欲，比起其他酒店下午茶至少有額外任食部分，尤其是自家制特色雪糕最精彩、不過可惜已經無咗馬卡龍任食，對於迪迪最重要係可以賺埋凱悅積分，响凱悅集團內非入住期間用餐所賺取嘅Base points都會計入終身會籍啊！
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言