是咁的，早前阿迪哥响JW Marriott Hong Kong嘅The Lounge食完自助晚餐後對於佢哋所供應嘅馬來西亞及新加坡地道佳餚久久不能忘懷，尤其是係星加坡炒蟹，根據酒店講原來8月份係做緊星馬食品主題自助餐，而且自助午餐仲會提供更多款式星馬美食，於是迪迪就無需考慮立即吹雞！
The Lounge自助午餐收費
The Lounge自助午餐嘅收費比較特別，而且按自助餐嘅區域收費亦都係佢哋嘅特色之一，因為自助午餐嘅豐盛沙律吧及湯麵吧好多朋友都知道係佢哋嘅signature，而其實响附近嘅上班一族亦未必需要完整食哂整個自助餐咁heavy，有見及此酒店就有按區域收費呢個選項。
● Full Buffet自助午餐(包咖啡或茶) 每位$398+10%
● 亞洲美食區 每位$278+10%
● 湯麵吧 每位$268+10%
● 沙律吧 每位$268+10%
● 甜品吧 每位$248+10%
惠顧(亞洲美食/湯麵吧/沙律吧)可另加每位$98+10%享用甜品吧。
 |
| The Lounge自助午餐收費 |
酒店不時有指定信用卡折扣優惠、入住酒店客人亦會按Marriott Bonvoy會員等級提供折扣，因為經常會有改動，因此建議大家直接聯絡酒店查詢會更清楚。
沙律吧
沙律吧超過60款食材，新鮮蔬菜、水果、肉類等，一望落去正如俗語有云輸人唔輸陣，幾十款食材放响你面前一次過曬冷其實嗰陣式都幾震撼，除咗蔬菜之外仲有煙三文魚、燒牛肉、燒雞肉及青口等選擇，因為避免佢變黑所以牛油果就冇放出來，牛油果控千祈唔好錯過！
 |
| 沙律吧先揀菜底 |
 |
| 然後再選擇其他食材 |
 |
| 沙律吧 |
 |
| 沙律吧 |
至於醬汁共有9款選擇之多， 包括法式沙律醬、柚子醬、蜜糖芥末醬、黑胡椒醬、凱撒沙律醬、千島醬、黑醋醬及橄欖油，但由於迪迪從來唔食蛋黃醬、千島醬及黑醋的關係，而大部分醬汁都以蛋黃醬調製，因此只能選擇柚子醬或橄欖油，最終阿迪哥選擇咗柚子醬，味道都幾清新，不過如果酒店可以考慮加入近年非常流行嘅日本胡麻醬就會更完美。
 |
| 沙律吧醬汁選擇 |
湯麵吧
湯麵吧亦係The Lounge自助午餐嘅招牌之一，首先講吓湯底選擇，當日分別有北京濃湯、星加坡喇沙、蕃茄魚湯及雞湯共4款，再配合20多款配料及8款麵食，包括 北京拉麵、手工幼麵、馬拉烏冬、蝦子麵、米粉、米線、菠菜麵、上海粗麵及銀針粉，多款湯底配合多款食材及麵款，可以自行選擇拼湊出多款合自己心水嘅湯麵，當然整個湯麵吧嘅靈魂自家製豬肉蝦雲吞真係不可不吃。
 |
| 湯麵吧自選食材 |
 |
| 湯麵吧自選食材 |
 |
| 湯麵吧多款麵條選擇 |
 |
| 湯麵吧4款湯底 |
 |
| 湯麵吧4款湯底 |
 |
| The Lounge湯麵嘅招牌自家製豬肉蝦雲吞 |
亞洲美食區
亞洲美食區每個月有不同主題，阿迪哥就係把握今次星馬滋味美食衝番嚟，上一篇都有提過，酒店總經理係馬來西亞籍華人，並由餐飲部出身，對於星馬美食特別注重，試過之前自助晚餐嘅星馬美食後迪迪一直在回味，知道午餐會提供更多地道星馬美食就更加有衝動。
冷盤共有4款，同樣都有阿迪哥早前介紹過自助晚餐必食嘅燻蛋。
 |
| 冷盤 |
 |
| 冷盤 |
每當講起星馬食品好多人都會聯想起海南雞飯、喇沙及椰漿飯，但其實囉喳(Rojak)呢款馬拉沙律對於星馬人心目中都佔著非常重要嘅比重，而對於阿迪哥嚟講更有一種不能言喻的情感。
 |
The Lounge嘅囉喳配料分別有雪梨、青瓜、菠蘿、大樹菠蘿、番石榴、
蓮霧、炸豆腐、油炸鬼花生及芝麻，再配合獨有嘅囉喳醬 |
話說當年阿迪哥去新加坡旅行，有一位當地長輩朋友十分關顧，全程安排行程、每日伴隨我們，而果次行程就係佢介紹迪迪囉喳呢款馬拉沙律，因為發音特別，朋友嘅粵語發音係叫佢「阿渣」、所以名字就特別深刻，當年他經常都來香港旅遊，某一年嘅寒冬呢位朋友响迪迪某位共同朋友家中作客，迪迪亦一盡地主之誼閒時就陪伴他到處去吃喝、看粵劇、看演唱會。
 |
| 馬拉囉喳 |
然後某個寒夜過後的中午，朋友來電說發現那位新加坡朋友全身冰冷僵硬倒臥在其家中，這位朋友一直有心臟病，當時來電的朋友不知所措，於是迪迪就立即趕去，抵達時救護員亦已經到場，由於我們都不認識這位新加坡朋友在新加坡的家人，為咗通知遠方佢嘅家人迪迪就用佢嘅電話找到身在新加坡嘅女兒，當時佢嘅女兒嚎哭，好快响第二天早上阿迪哥就响機場迎接朋友一家並協助辦理後事，他的女兒之後亦成為了迪迪嘅好友，現在偶爾想起這位朋友都會非常懷念，尤其是當品嚐囉喳時感覺就特別深，响香港供應馬拉囉喳嘅餐廳不多，偶爾細嚐味道更帶著一種真摯回憶。
 |
| 馬拉囉喳 |
老人家講完故事，繼續專注美食，其他星馬美食包括怡保雞絲河、檳城炒貴刁、新加坡辣椒炒蝦、咖哩魚、馬來西亞咖哩雞、海南雞飯、馬來西亞特色椰漿飯、炸雞、五香肉卷、牛肉沙爹、雞肉沙爹、肉骨茶及忌廉蘑菇湯樣樣吸引。
 |
| 檳城炒貴刁 |
 |
| 咖哩魚 |
 |
| 海南雞飯及馬來西亞咖哩雞 |
 |
| 星馬美食 |
 |
| 海南雞飯 |
 |
| 肉骨茶 |
 |
| 忌廉蘑菇湯 |
以上有幾款食物阿迪哥需要特別強調補充一下，怡保雞絲河嘅河粉非常幻滑，精華在於個湯底用鮮蝦殼淆製，鮮蝦味濃郁、建議一定要飲哂個湯！
 |
| 怡保雞絲河嘅鮮蝦湯底才是精華所在 |
上次自助晚餐就食過星加坡炒蟹，而午餐就供應新加坡辣椒炒蝦，每隻大虎蝦都手掌咁大，新鮮爽口，跟炒蟹不分高下。
 |
| 新加坡辣椒炒蝦 |
食自助餐食飯？唔係呀話？迪迪極愛馬來西亞椰漿飯，真係冇辦法唔食，食椰漿飯當然要配炸雞，今次呢個椰漿飯重點落於炸雞身上，炸雞炸得非常乾身、並且香脆無比，痛恨自己胃口有限。
 |
| 椰漿飯必配炸雞及煎蛋 |
最後要講嘅馬來西亞美食係哥羅麵，哥羅麵來自東馬砂撈越、哥羅麵嘅意思係乾撈麵，哥羅麵使用精製黑豉油作為撈麵醬料，再配上兩片半肥瘦叉燒，滋味無窮。
 |
| 砂撈越叻沙、哥羅麵的叉燒及星加坡豬肉蝦撈麵 |
 |
| 製作哥羅麵的半肥瘦叉燒 |
 |
| 用來製作砂撈越叻沙、哥羅麵及星加坡豬肉蝦撈麵的麵條 |
 |
| 迪迪真想喪食10碗哥羅麵 |
阿迪哥一共去過兩次砂撈越，哥羅麵每次都係必食，由於馬來西亞嘅食材有時比較單調，通常佢哋使用嘅叉燒都係全瘦部位，而且叉燒一般亦不夠入味，The Lounge所製作嘅呢碗哥羅麵更勝當地，係迪迪食過最好食嘅哥羅麵！
 |
| 阿迪哥當年响砂撈越嘅古晋食嘅人生第一碗哥羅麵 |
世事並唔會百分百完美嘅，自助餐都有不足之處， 就係牛肉沙爹及雞肉沙爹唔夠熱，沙爹如果唔係熱食味道會大打折扣。
 |
| 牛肉沙爹及雞肉沙爹 |
甜品
甜品方面跟自助晚餐大同小異，午餐只係缺少咗Häagen-Dazs杯裝雪糕， 但三款軟雪糕仍然會有供應，阿迪哥今次目標誓要all in班蘭娘惹榚！
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
 |
| 甜品吧 |
品嚐美食除咗色、香、味3大要素之外，有時仲會包含著人情味和回憶兩大感官，阿迪哥出嚟社會做事之後第一個選擇自由行嘅地方就係新加坡和馬來西亞，當時極度無知、還不足20歲嘅小迪迪對於首次出國簡直大開眼戒，當時其實還未知道當地原來有很多會說粵語的華人後代，大家同聲同氣亦造就了日後新加坡和馬來西亞的朋友亦特別多，人際關係造就了故事，因此每次享受星馬美食亦同時間享受緊由食材混合回憶所編織出來嘅獨有味道，特別係今次The Lounge嘅囉喳和哥羅麵在香港未必很容易找得到、因此這份久違了味道令回憶感覺特別強烈。
如果大家有興趣重溫The Lounge自助晚餐嘅用餐報告，可以參考以下文章：
👉 酒店入住報告：香港JW萬豪酒店「JW Buffet-cation at The Lounge」住宿套票
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言