到達杜拜已經住咗4晚、踏入第5日，阿迪哥仍然仲住响第一家酒店即是响杜拜Legoland旁邊、萬豪集團旗下嘅Lapita, Dubai Parks & Resorts, Autograph Collection，原定整個阿拉伯聯合酋長國行程大約停留1個月，而當中原定Lapita計劃入住6晚，但昨晚執筆之時做咗一個非常困難嘅決定想跟大家分享一下。
在計劃行程時對於Lapita這家度假酒店阿迪哥很有保留、有一段時間更猶疑應否取消並改住其他酒店。
 |
| 阿迪哥當初對Lapita很有保留 |
何解阿迪哥當初對呢家酒店咁有保留呢？迪迪計劃行程尋找酒店很少參考TripAdvisor內的評論，因為大家住得多酒店都知TripAdvisor有幾可信性應該都理解，因此對這家酒店服務水平完全不知，選擇這家酒店是因為每晚平均22,000萬豪積分、訂連續5晚又有1晚免收積分，對比起現金價入住連稅大約每晚AED1,054-1,139(約HK$2,253-$2,435)，純粹是使用積分入住的性價比高問題。
 |
| Lapita, Dubai Parks & Resorts, Autograph Collection每晚平均22,000萬豪積分 |
計劃行程時其實阿迪哥有以下幾個憂慮：
● 阿迪哥很少選擇非海灘度假酒店入住，當年入住沙漠酒店Al Maha, a Luxury Collection Desert Resort & Spa, Dubai就係一個失敗例子，Lapita亦沒有海、很難預計自己能否接受。
● 酒店在幾個主題樂園旁邊、阿迪哥對主題樂園零興趣，入住這家酒店而非為主題樂園究竟係乜嘢玩法？
● 酒店鄰近主題樂園、房間又多，住客多咁到底職員能否提供優質服務阿迪哥非常懷疑。
 |
| 阿迪哥暫時都到過Legoland、不過都係早去早回到此一遊 |
將呢家酒店定為阿聯酋行程第一站好明顯就係最無期望嘅一家，不過當抵達酒店嘅一刻，所有疑慮即時盡掃一空。
 |
| 第一晚被安排入住Junior Suite |
 |
| Junior Suite |
 |
| Junior Suite景觀係望住酒店內建築 |
阿迪哥入住當日大約晚上9時才抵達酒店，當時值班經理出來歡迎阿迪哥入住及對萬豪支持等，並通知今次入住已經免費升級為Junior Suite套房，他並問迪迪對於升級Junior Suite套房可以嗎？其實有得免費升級已經很感恩、沒有可以不可以吧，之後他還說如果不喜歡便開聲會給迪迪看其他套房再選擇，要知道升級套房是不保證的會員福利而已、他還說可以任選套房，阿迪哥感覺受寵若驚，他就說每位萬豪尊貴會籍會員入住他們也很重視。
 |
| 第二日值班經理主動安排轉到泳池景觀套房 |
之後幾日入住體驗無論前台、禮賓部、餐廳、泳池、甚至高爾夫球車司機等，所有遇到嘅職員都令阿迪哥覺得有賓至如歸、被重視及被寵壞嘅感覺。
 |
| 餐廳主廚問阿迪哥想食乜，最終每日都送上一碟芒果 |
越想就越覺得幾天之後就要離開實在很困難，幾經掙扎之後終於做了一個很困難的決定，就是要取消下一家原定入住6晚的酒店、然後在Lapita再續住6晚，雖然取消下一家酒店的決定真的很困難、但是若果要在兩天後就離開Lapita就更加困難。
 |
| 阿迪哥忍痛取消了原本計劃的下一家酒店 |
尤其是這家酒店的CP值實在太高，每晚平均大約22,000萬豪旅享家積分，仲免費包括旁邊Dubai Parks & Resorts四個主題樂園門票，包括Legoland Dubai、Legoland Water Park、Motiongate Dubai及Bollywood Parks Dubai，入住1晚包1個樂園、入住2晚包2個樂園、入住3晚或以上全包4個樂園。
 |
| 積分預訂跟現金入住一律包主題公園門票 |
今年萬豪積分浮動制將會進入無上限的第二階段，將來積分兌換這家酒店會否仍然咁好deal實在很難預計、因此阿迪哥都係決定享受咗先，做了這個決定之後阿迪哥感覺放鬆了很多，足證決定是正確的。
再次感謝一位協助阿迪哥找出這家超高CP值酒店嘅朋友。
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言