Cathay Pacific - 轉換指定酒店或汽車及運輸合作夥伴積分至亞洲萬里通里數賺取高達額外55%里數【推廣期：2023年4月12日至5月11日】

 

國泰又有新推出轉分優惠，今次優惠有少少複雜，但係理論上係可以叠計早前推出嘅額外4,000里(或更多)嘅「躍升你的日常獎賞」活動。

活動詳情

● 推廣期：2023年4月12日至5月11日

👉 按此進入活動主頁

今次因為分為三個部分：

獎賞1

香格里拉會、IHG優悅會、Esso基本獎賞

● 香格里拉會：基本兌換里數比率1,000香格里拉積分=1,000里 (額外優惠30%，即1,000香格里拉積分=1,300里)

● IHG優悅會：基本兌換里數比率10,000優悅會積分=2,000里 (額外優惠25%，即10,000優悅會積分=2,500里)

● Esso Smiles：基本兌換里數比率3 Esso積分=1里 (額外獲享HK$160 Synergy™ Supreme + 特級汽油禮券)

獎賞2

香格里拉會、IHG優悅會、Esso額外獎賞

獎賞2只適用於2022年4月1日至2023年4月11日期間從未將任何旅遊(👉按此)、酒店(👉按此)、汽車及運輸(👉按此)夥伴積分計劃至亞洲萬里通的會員。

● 香格里拉會：除獲享獎賞1的額外30%里數外，再可獲額外25%獎勵，合共額外55%里數

● IHG優悅會：除獲享獎賞1的額外25%里數外，再可獲額外25%獎勵，合共額外50%里數

● Esso Smiles：除獲享獎賞1的HK$160 Synergy™ Supreme + 特級汽油禮券外，再可獲額外25%里數獎勵

獎賞3

其他夥伴積分至亞洲萬里通里數賺取額外15%里數

獎賞3亦都只適用於2022年4月1日至2023年4月11日期間從未將任何旅遊(👉按此)、酒店(👉按此)、汽車及運輸(👉按此)夥伴積分計劃至亞洲萬里通的會員。

總括嚟講若果你有响2022年4月1日至2023年4月11日期間有將任何旅遊、酒店、汽車及運輸夥伴積分計劃轉至亞洲萬里通的會員的話就只可以玩獎賞1。

不過其實除咗萬豪旅享家外，其餘大家玩開嘅主流酒店會員計劃，例如希爾頓、凱悅、雅高、IHG及香格里拉轉做飛行里數都會大蝕，所以阿迪哥認為酒店積分都係用返嚟住酒店會最合適。

另外前文講過，今次活動可以叠計較早前推出嘅躍升你的日常獎賞活動(👉按此)，但係因為今次嘅額外獎勵會以「Points Conversation Bonus Q2 2023」形式存入會員帳號，因此只有基本比率嘅積分先會計入躍升你的日常獎賞活動嘅目標里數入面，不過酒店積分轉里數點都係蝕，因此要玩「躍升你的日常獎賞活動」轉分建議都係以信用卡積分為首選。

但係如果你係符合獎賞2嘅資格、手上又有一啲香格里拉會積分或IHG積分無乜作用想轉咗做飛行里數的話，阿迪哥以下計兩條數比大家參考究竟抵唔抵。

香格里拉會積分轉亞洲萬里通優惠

假設你手上有1,000香格里拉會積分，亦合符獎賞2嘅資格，轉亞洲萬里通可以獲得55%獎勵，即是1,550里。

以目前估值1,000香格里拉會積分估值為US$66、而1,550亞洲萬里通里數估值約US$20，獲獎賞後帳面都蝕約70%！

IHG優悅會積分轉亞洲萬里通優惠

假設你手上有10,000 IHG積分，亦合符獎賞2嘅資格，轉亞洲萬里通可以獲得50%獎勵，即是3,000里。

以目前估值10,000 IHG積分估值為US$50、而3,000亞洲萬里通里數估值約US$39，獲獎賞後帳面都蝕22%！

如果你手上嘅IHG積分完全覺得無用，咁都可以考慮下透過今次嘅優惠轉做亞洲萬里通，但因為香格里拉積分每15分可以US$1當錢洗，因為無論有幾少積分都好、阿迪哥都唔建議轉香格里拉積分做亞洲萬里通，用積分去酒店買個麵包食好過。

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)