Cathay Pacific - 國泰特選會員專屬積分轉換獎勵，信用卡積分轉指定數目亞洲萬里通里數可享以10里換取港島香格里拉雙人下午茶或香港麗思卡爾頓酒店HK$1,000禮券【優惠期：2023年4月14日至5月13日】

國泰又出特選會員優惠，類似舊年12月優惠期內換滿指定數目亞洲萬里通里數送半島下午茶嗰種玩法，今次嘅優惠係以信用卡積分換里數、滿足指定數目里數可享以10里換港島香格里拉雙人下午茶或香港麗思卡爾頓酒店HK$1,000禮券，不過今次優惠活動沒額外里數獎勵，不過其實今個月較早前亦有一個「躍升你的日常獎賞」特選活動，其實變相將之前個活動一分為二，除非兩個活動同時中哂特選、否則今次呢個送酒店禮遇活動就唔值得硬衝。

活動詳情

● 優惠期：2023年4月14日至5月13日

優惠期內特選香港國泰會員，成功登記此活動並轉換指定信用卡積分成為里數，滿足以下所需要求可獲享以10里換取以下酒店禮遇：

● 60,000里 - 港島香格里拉大堂酒廊雙人下午茶
● 100,000里 - 香港麗思卡爾頓酒店HK$1,000禮券

因為今次係特選會員活動，活動需要登記，登記連結在特選會員收到活動邀請嘅電郵內，同埋今次活動必須是以香港發行嘅信用卡積分兌換，但不包括渣打國泰MasterCard。

阿迪哥就認為除非有大量信用卡積分即將到期、或者即時需要使用飛行里數，否則為咗以上禮遇去硬衝就無謂，不過若果你同時中埋較早前嘅「躍升你的日常獎賞」特選活動(👉按此)、轉里數同時可享受埋額外里數獎賞咁就唔同。

不過以阿迪哥自己為例，本身的確中哂兩個特選，「躍升你的日常獎賞」上限轉30,000里會額外賺取到4,000里獎勵，但係若果要食埋港島香格里拉下午茶就需要轉夠60,000里，阿迪哥以飛行里數兌換機票不一定使用亞洲萬里通，因此就無意為咗個下午茶硬食60,000里。

👉 按此查閱活動條款及細則

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)