阿迪哥本身對景點麻麻，除非係一啲世界享負盛名嘅景點，例如復活島石像、馬丘比丘、巴黎艾菲爾鐵塔、羅馬鬥獸場呢類必遊之外，其他景點都可有可無。
但係通常如果第一次遊某個地點，通常都會略略遊下當地名勝、但唔會花太多時間，可能只作一天、半天遊，其餘時間通常都會留响酒店享受設施、海灘 /泳池放空，今次富國島都不例外。
今次去咗南部小部份景點，例如：
珍珠養殖場...
護國寺(Ho Quoc Pagoda)....
但其當中一個景點阿迪哥認為係必遊的，就係坐Sun World Hon Thom纜車，呢條纜車線响2018年2月才開通，全長7,899.9米，獲力士紀錄大全中全球最長跨海纜車。
Sun World Hon Thom纜車起點係富國島南部An Thoi鎮，纜車通過南部一系列小島上空後到達終點Hon Thom島，沿途風光非常壯麗，首先經過An Thoi漁村上空，停泊於海港七彩繽紛嘅小漁船襯托海邊小鎮美不勝收。
WOW.....
之後會經過南部一系列小島上空，有些島嶼是有人住的小村落、有些是無人島，但係都同樣擁有清澈嘅沙灘及海灣，全程約20分鐘航程、並有涼風次送，在美景中享受這趟航程實在非常舒暢愉快。
到達終點是Hon Thom島，島上有美麗海灘，並會是將來重點旅遊發展項目，島上將會提供多項旅遊玩樂設施例如：水上樂園、主題公園及水族館等，發展目標類似新加坡聖淘沙島。
建議大家下午去乘纜車遊人會比較少，阿迪哥因為大約下年三時多乘纜車，所以差點使可以包下整卡車廂，响非常寧靜嘅環境下享受這趟約20分鐘旅程，但通常遊客多會是下午回程，因此回程時乘客比較多是不能避免。
總括嚟講阿迪哥極力推介Sun World Hon Thom纜車！
沒有留言:
張貼留言