World Of Hyatt - 2020年積分兌換表更改及優化使用積分兌換酒店消費額

凱悅集團嘅會員計劃一直以來使用積分兌換住宿嘅CP值很高，佢哋剛宣佈2020年將會引入兌換表旺、淡季。

【兌換表旺、淡季】

● 實施日期：2020年3月

積分兌換住宿將會响基本積分上加上淡季及旺季，情況就跟Marriott Bonvoy相類似，以下係普通房兌換表，最低嘅Category 1基本日子積分為5,000分不變，而淡季為3,500分(比基本少1,500分)、旺季為6,500分(比基本多1,500分)；最高級嘅Category 8基本日子40,000分、淡季、旺季分別係35,000及45,000比基本相差+/-5,000分：

另外，Club Room、Standard Suite、Premium Suite、全包酒店及Miraval兌換表亦會同時引入淡、旺季。

👉 詳情請按此進入World Of Hyatt官網查閱

以下係Hyatt對即將實施嘅淡、旺季兌換表作出以下解說：

● 當新兌換表响2020年3月正式實施後，已訂嘅預訂日期如果設定為淡季系統會自動退回積分差額、若果該入住日期是旺季則不會收取額外積分。

● 積分+現金入住亦會同時實施淡、季，現金部份仍然是全現金入住價錢嘅一半。

● 套房兌換表亦會實施淡、季制度。

● 預訂窗一般會入住前13個月開啟供會員訂積分房，並將會推出各地的淡、旺季、基本日子月曆供會員參考，淡、旺日子一經推出後便不會更改。

● 兌換表Category仍然不變，同樣是8個Category。

【優化使用積分兌換酒店消費額】

● 實施日期：2020年1月

World Of Hyatt會員其實一直可以利用積分作為酒店消費額，用來抵扣餐飲及Spa消費，但相信比較少朋友使用呢種方式去用積分，以下兌換表分別列出現有及優化後的積分及消費額比率：

阿迪哥目前對World Of Hyatt嘅valuations係1,000分約值$17美元，响新嘅抵扣率下1,000分都只可作$10美元使用，仍然都唔算抵。

兌換表推出淡、旺季有辣有唔辣，但阿迪哥睇法其實偏向負面，畢竟淡、旺嘅日子龍門可以隨便由凱悅去定，但係當淡季實施後原有預訂系統會自動退分，可以睇得凱悅係非常顧及會員感受嘅集團。

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

特價租車網站推介：Rentalcars.com