阿迪哥何解有直航唔坐、要選擇經曼谷坐曼谷航空經濟艙到越南富國島那麼seven呢？

話說阿迪哥今個聖誕假期去咗越南富國島，但就冇選擇直航、返而取道曼谷轉曼谷航空經濟艙。

有朋友問何解不坐直航呢？其實阿迪哥自己都覺得超seven、仲要由曼谷往富國島需要坐經濟艙...

曼谷航空登機證充滿色彩

其實早於今年一月阿迪哥已經訂好今次呢個聖誕行程，當時仍然唔多港人來富國島，仲諗住自己到時會好型，取道曼谷嘅原因係因為遊客只有富國島的話係免越南簽證，咁阿迪哥覺得如果經越南本土(如河內或胡志明市)需要向關員解釋相信會冇咁方便，而由曼谷到富國島是國際航班入境會比較直接了當。

登機閘口好遠啊

登機需要坐接駁車

曼谷航空每日都有航班由曼谷到富國島，航班以法國製ATR72螺旋槳細機行走，全機只設經濟客艙，阿迪哥本身盡可能都會避免乘搭經濟客艙，但無選擇之下就無辦法。

曼谷航空ATR72

航班安全指示

航班安全指示

行程訂好後兩天，好記得嗰日係年三十晚，阿迪哥接到好朋友信用卡達人小斯來電，問阿迪哥富國島有乜嘢酒店好介紹，阿迪哥好奇問小斯何解突然有去富國島嘅念頭，原來VietJet當日剛宣佈將於2019年4月開航香港往富國島直飛航線，嗰一刻阿迪哥嗰一個“Dxx”字嘅發音分貝之高深信已經由深水埗傳到黃埔！😡嗰刻真係已知自己仲seven過何已完。

剛由曼谷起飛

講返曼谷航空ATR72經濟艙，其實服務都幾OK，機上嘅雞肉牛角包味道不錯，由於細機、乘客有限所以抵埗後出行李好快，直頭唔需要等。

機上免費提供嘅雞肉牛角包唔差吖

其實由曼谷起飛嘅乘搭任何曼谷航空航班，即使經濟艙都可以使用航空公司為經濟艙乘客而設嘅機場貴賓室，不過今次阿迪哥起飛前少於兩小時抵達機場，而坐經濟艙又沒有快速通關，排隊做安檢、出境時間超過一小時！而且曼谷機場很大，過關後步行到登機閘口差不多20分鐘，剛好趕及登記，所以阿迪哥奉勸各位朋友如果乘搭經濟艙離境曼谷需要航班起飛前3小時到達機場會比較穩陣。

即將降落富國島

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

特價租車網站推介：Rentalcars.com