OMG😱~曼谷Sofitel Sukhumvit服務好有驚喜！最終更遇到Hermés備品！

阿迪哥早於今年9月已經提早完成萬豪保級，所以聖誕節假期就可以全無顧慮地消耗Accor Plus年度Stay Plus免費房券👉(按此)，原本打算再住SO Sofitel，但其中一晚無免費房，因此最終選擇咗Sofitel Bangkok Sukhumvit，服務好有驚喜！

阿迪哥坐Grab一抵步就有禮賓部職員打開車門及响車尾箱代拿行李而且笑容滿面，之後帶領到前台辦理入住，前台職員先來杯welcome drink及濕毛巾，前後超過至少四位職員前來打招呼，嘩！一抵步感覺已經很好。

酒店大堂

前台

Welcome drink

辦理入住嘅職員非常親切，阿迪哥隨便問句可否安排高樓層，佢查咗系統一陣，係非常認真地查，要知道阿迪哥只係Accor嘅cheap cheap銀卡會員，房間免費升級跟本不是銀卡會員權益、所以連“upgrade”呢個字眼都冇响對話裡面出現過，最終佢就安排咗高一級嘅Luxury Room Park View，雖然房間跟標準房Luxury Room相同，只係景觀分别，但已經很滿足，阿迪哥入住兩晚，分别與同行人帳號Accor Plus的Stay Plus免費房券各訂一晚，原本每次入住只有welcome drink券一張(每券兩杯飲品)、但小姐就送夠兩張。

Luxury Room Club Millesime

鎖匙準備好後阿迪哥就當然立即上房間，去到電梯口忽然有另一位女職員追過來話要帶阿迪哥上房，呢種服務態度令阿迪哥感覺極好，進房後原來安排錯咗一間雙床房，於是職員跟阿迪哥又返回前台，原本辦理嗰位國內職員表現得非常不好意思，其實真係好小事，阿迪哥亦笑著說“不緊要啦”，反而阿迪哥感覺仲唔好意思，被升等然後累到佢要道歉，好快已經安排好另一間房及鎖匙，然後阿迪哥發現信封又再多兩套飲品券😂😂，佢真係好可愛，佢再三道歉後就正式完成入住手續。

歡迎飲品券

Belga Rooftop Bar

帶上房間嘅職員話今次呢間房位於22樓行政樓層，阿迪哥感覺已「心知不妙」，最終原來房間再升一級到Luxury Room Club Millesime！最精彩嘅事情出現了！呢種房間係提供Hermés嘅Eau d'Orange Verte沐浴備品！我終於遇到妳了！當時嘅興奮比起馬爾代夫免費升級到Sunset Water Villa with Pool更甚！👉(按此)

Hermés備品

阿迪哥非常喜歡呢款沐浴備品，但因為之前入住嘅酒店都從未遇到過，因為之前嘅一篇有關備品嘅文章未能將佢列入十大👉(按此)、但今次入住之後就必入十大之列！

Stay tuned...完整酒店review將會不日完成。

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

特價租車網站推介：Rentalcars.com