若有幸早前成功註冊到AE嘅凱悅酒店消費現金回贈，每張已成功注册美國運通卡累積消費滿$2,400可獲$720簽賬回贈，透過預訂Hyatt Centric Victoria Harbour嘅長期住宿優惠每晚$507.60+10%，連續入住30晚可晉升為Globalist會員，房價連服務費合共$16,750.8，假設有7張已經註冊AE卡扣除現金回贈後實際成本為$11,720.8、6張卡成本$12,430.8、5張卡成本為$13,150.8、4張卡成本為$13,870.8...如此類推，然後再配合埋Q2嘅Bonus Journeys積分活動並可賺取免費住宿，累積晚數期間仲有Milestone Rewards賺取嘅Club Lounge使用奬勵及免費住宿券，其實都仲可以諗得過。若然冇咁多張AE、但亦有興趣跑的話、阿迪哥亦有另一個建議可於5月2日前先完成20晚食盡手上嘅AE現金回贈額先，到時候已經成為Explorist會員並且已經賺取咗2張行政酒廊券、咁餘下10晚就可以試埋本港其餘三家Hyatt嘆住Club Lounge咁跑就更開心，內文會詳細解釋有關Milestone Rewards。
但有一點阿迪哥要提提大家，因為AE消費回贈係以5月2日或以前簽賬日計算，最安全嘅做法係最遲要响4月2日辦理入住、如果打算連續入住30晚會係5月2日退房，因為通常酒店簽賬結賬日期係退房當日。
踏入三月份首先恭喜已榮陞凱悅Globalist嘅朋友，若果仲未入環球客坑大家亦要向前看，因為本身World Of Hyatt對Globalist嘅要求由原本嘅60晚要求，期間限定响2021年調低至30晚，再配合Q1嘅Bonus Journeys積分活動每累積兩晚可獲2,000分、兼享活動期間入住滿10晚可額外獲得免費住宿券一晚，再者，响跑住宿晚數期間到達一定晚數指標更可獲贈Milestone Rewards嘅Club Lounge使用奬勵及免費住宿券，其實都可以好好玩！話說回來目前成本最低的方式就係透過Hyatt Centric Victoria Harbour嘅長期住宿優惠，最少連續14晚每晚低至$508+10%，迪迪family於3月31日前預訂可獲保證升級海景房，內文阿迪哥會交代跑完30晚升級Globalist後嘅總回血率。
香港維港凱悅尚萃酒店長期住宿優惠
● 預訂日期：即日至2021年3月31日
● 入住日期：即日至2021年6月15日
長期住宿優惠標準客房價錢每晚$508起+10%，優惠詳情：
● 最少需連續入住14晚
● 每日提供房間清潔服務
● 住宿期間餐飲85折優惠
● 迪迪family於2021年3月30日前預訂保證升級海景房
要留意預訂時搜尋結果顯示“154233”先至會有預訂標準客房升級海景客房阿迪哥大家庭成員嘅專屬優惠：
2021年World Of Hyatt尊貴會籍要求減半
World Of Hyatt响2021年嘅尊貴會籍降低要求後所需要求如下：
● Discoverist - 5晚或12,500 Base Points
● Explorist - 15晚或25,000 Base Points
● Globalist - 30晚或50,000 Base Points
2021年Q1 Bonus Journeys積分活動
● 入住日期：2021年3月1日至6月15日
● 註冊日期：即日至2021年5月15日
● 每累積入住兩晚可獲額外2,000分 (無需連續)
● 活動期間累積首10晚住宿可獲得一張Category 1-4免費住宿券，住宿券有效期180日
透過Q1嘅Bonus Journeys積分活動，當完成30晚住宿升級Globalist後共可獲得30,000獎勵積分及一張Category 1-4免費住宿券。
👉 按此查閱2021年Q2 Bonus Journeys活動詳細資料
Milestone Bonus獎勵
World Of Hyatt會員每年入住滿指定晚數便能賺取Milestone Rewards獎勵。
當跑入住晚數期間，會員亦一路會分别到達20晚及30晚Milestone Rewards指標，因此亦同時獲取以下獎勵：
● 每年入住滿20晚可獲2次Club Lounge使用獎勵
● 每年入住滿30晚可另獲2次Club Lounge使用獎勵+Category 1-4免費住宿券一晚
2021年6月15日前完成滿30晚住宿後所獲得所有回饋總結
完成30晚住宿後所獲得之回饋積分及奬勵都頗豐滿的：
● Globalist會籍至2023年2月28日
● 9,822積分 (以每晚$508付費入住30晚之基本積分為準)
● 30,000積分 (Bonus Journeys活動)
● 兩晚Category 1-4免費住宿 (Bonus Journeys + Milestone Rewards)
● 4次Club Lounge使用獎勵 (Milestone Rewards)
以上合共的39,822積分估值約為HK$5,200，兩晚Category 1-4免費住宿以亞太區為例，使用於沖繩島瀨良垣凱悅、首爾君悅、濟州君悅、台北君悅、西貢怕悅、曼谷The Sukhothai及峇里Alila Seminyak等，回血指數都相當高，若果响香港就可以用於沙田凱悅及維港凱悅尚萃，不過始終都係用於海外會比較超值。
至於4次Club Lounge使用獎勵，因為當升到Globalist時已經保證有Club access待遇，除非同一日內需要訂兩間房，否則一旦成為Globalist就用唔著，阿迪哥建議可以先跑20晚，到時候就會獲得2次Club Lounge使用獎勵並且亦會升級至Explorist會員級別，一來之後再重新繼續住，基本積分Explorist會員會多額外20%獎賞；餘下嘅10晚可以試吓其他三家酒店： 香港君悅酒店、香港尖沙咀凱悅酒店及香港沙田凱悅酒店，再使用埋手上嘅Club Lounge使用獎勵 ，咁樣就可以一路跑一路享受，每次Club Lounge使用獎勵最多可適用於連續入住7晚。
若果還未成為Globalist嘅朋友不要氣餒，要向前看，若然當疫情過去，明年Globalist嘅要求就可能將會重新調整回60晚架喇。
======================================================
● 香港尖沙咀凱悅酒店 - 限時「零」房價優惠免費住宿，每晚$1,600起+10%全數房價回贈餐飲消費額；與及另外六大本地遊住宿優惠，價錢$1,180起+10%包含住宿連雙人自助早餐加各類自選用餐體驗，包括自助餐、凱悅軒套餐及Hugo's四道菜晚餐等【限時優惠預訂日期：2021年3月24日至3月30日】 (按此)
● 香港維港凱悅尚萃酒店
- We Miss Korea住宿計劃，每晚$1,180起+10%，包含自助早餐、韓國美食主題自助午餐或晚餐、The history of
Whoo備品及養顏禮品、韓服/韓國茶房/韓國虚擬實景體驗及Ottogi美食包【入住日期：2021年2月18日至4月30日】 (按此)
● World Of Hyatt - 凱悅集團無需入住於酒店餐廳用餐可賺取3倍獎勵積分【活動延至：2021年6月15日】(按此)
● World Of Hyatt - 凱悅集團2021年Q2 Bonus Journeys全球積分活動：累積入住兩晚可獲額外2,000分及累積首10晚住宿可獲得一晚免費住宿【入住日期：2021年3月1日至6月15日】 (按此)
================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言