阿迪哥琴日就分享咗Hyatt Centric Victoria Harbour嘅迪迪family獨家優惠，當中一個住宿staycation套票$1,380起+10%包含住宿一晚、雙人自助早餐及重點係Cruise空中餐廳及酒吧「Feed Me」二人晚餐，之前一直無同迪迪家庭成員討論過呢個套餐，但出post後試過嘅網友都一致好評，所以大家就毒倒阿迪哥即晚去咗試食！
Cruise空中餐廳及酒吧設計靈感源自郵輪港口，為求讓賓客用餐時猶如展開一次航海之旅，餐廳位於香港維港凱悅尚萃酒店西翼23樓，由於餐廳設於建築物內頂層，兼且酒店於北角碼頭旁臨海而建，因此酒店可以飽覽維港夜景，餐廳分別設有室內及室外用餐區域，當晚酒店即使星期四都幾爆場， 如果大家想坐窗口位置就記緊提早預訂及嘗試向酒店提出要求。
菜單
 |
| 「Feed Me」二人晚餐餐牌 |
開胃小食
 |
| 蝦片及三款醬汁 |
開胃小食竟然係炸蝦片，阿迪哥最喜歡就係食薯片、蝦片之類嘅小食，蝦片再配以三種醬料，包括參巴醬、醃青瓜醬及自家製辣椒醬，說實話開胃小食其實提供一款醬汁已經足夠，食炸蝦片都提供三款醬汁選擇、可見得大廚真係好有誠意，參巴醬味濃、青瓜醬清新、嗜辣的就可點辣椒醬，阿迪哥好喜歡食馬來西亞、印尼嘅椰漿飯，所以參巴醬就最啱數。
前菜
【時令即開生蠔】
 |
| 時令即開生蠔配三文魚柚子酸汁、青辣椒莎莎 |
今次嘅生蠔來自法國，海水味頗重，如果有follow開阿迪哥應該知道阿迪哥最近先開始食生蠔，但平時食生蠔配茄汁阿迪哥總覺得怪怪的，但今次配上三文魚子酸汁，味道好夾，簡直係完美結合。
【油甘魚刺身】
 |
| 油甘魚刺身配青檸香草汁、醃青辣椒及金不換 |
食日式刺身一般用日本豉油及wasabi，但因為Cruise係食東南亞嘅fusion菜，因此就改用類似泰式生蝦嘅醬汁，醬汁用青檸、香草、青辣椒及金不換打成，缺點係每人只得兩片太少。
【香辣韓式炸西蘭花】
 |
| 香辣韓式炸西蘭花配辣椒醬、椰菜紅蘿蔔絲沙律、芝麻 |
阿迪哥好鍾意韓式辣醬，呢個香辣韓式炸西蘭花外表仲以為係韓式炸雞，因為夾雜住椰菜及紅蘿蔔絲，所以食落爽口、汁醬濃得嚟又好清新、原因內裡係西蘭花，阿迪哥平時食得中小辣度，感覺呢個前菜就辣咗少少，而唔食得辣嘅朋友就要留意。
大碟
【烤黑毛豬腩肉生菜包】
 |
| 烤黑毛豬腩肉生菜包配小葉生菜、芝麻葉及芥末醬 |
呢個菜式肯定係Cruise嘅signature之一，之前都有網友推介過，因此亦係阿迪哥最期待嘅菜式，進食時當然要好似平時食生菜包咁夾埋塊小葉生菜及芝麻葉、另外附上嘅芥末醬及薑蔥蓉一齊，然後用手慢慢放入口，但係食之前記住要洗手~洗手~洗手！咬一啖之後你會感受到主角黑毛豬腩肉烤得好爽脆，而且好容易咬開，肉質肥瘦均勻，油膩夾雜住芥末醬及薑蔥蓉又係配合得好好，套餐每位有兩片豬腩肉，食完有少少滯，阿迪哥已經飽咗一半，食之前建議先問服務員準備多一塊消毒濕紙巾，因為食完之後會成手都係醬汁。
【青咖喱雞】
 |
| 青咖喱雞配茄子、辣椒、椰子及金不換 |
好多時食泰式青咖喱個汁都好稀，好似飲湯咁阿迪哥唔鍾意，但今次呢個青咖喱煮得好creamy，兩件雞肉亦好實淨。
【星洲炒大蝦】
 |
| 星洲炒大蝦配番茄、薑、蛋及辣辣 |
隻蝦大過肥佬隻手掌，蝦肉爽口新鮮，精髓在於個星洲醬汁，小辣帶點點甜，如果可以撈白飯就更正，不過當然阿迪哥冇咁做啦，因為套餐本身已經包咗炒飯、況且已經開始飽到食唔落。
【配菜】
 |
| 欖菜炒有機四季豆及參巴醬蛋炒飯 |
「Feed Me」套餐仲會包埋欖菜炒四季豆及參巴醬蛋炒飯，真係唔好睇小簡簡單單嘅欖菜炒四季豆，外面有好多餐廳煮乾扁四季豆啲豆咬落“唧唧”聲，阿迪哥係無法忍受呢種感覺，但今次呢個煮得好淋、好入味，同埋阿迪哥前文都講過好喜歡參巴醬，雖然呢兩樣嘢都好好食但阿迪哥當時已經無能為力。
甜品
 |
| 可可椰子：椰子雪糕、朱古力醬及朱古力威化 |
是日甜品「可可椰子」，因為食甜品係用第二個胃嘅關係，因此阿迪哥係清碟嘅，雪凍咗嘅朱古力及杏仁碎包住咗椰子雪糕非常滿足，放响甜品上面嘅朱古力威化好食到呢...阿迪哥唔係foodie...所以詞窮了，不過夾住咗響威化同埋雪糕球之間嘅朱古力醬對於長者就有點過甜、同埋有點too heavy。
兩小時無限量暢飲紅白酒、啤酒、橙汁及汽水
住宿套票除咗包含「Feed Me」二人晚餐之外，用餐期間仲會包埋兩小時無限量暢飲紅白酒、啤酒、橙汁及汽水，雖然阿迪哥係滴酒不沾。但係都影咗佢酒類嘅選項比大家參考，選擇都唔少。
 |
| 兩小時無限量暢飲快將於住宿套餐內取消 |
 |
| 兩小時無限量暢飲快將於住宿套餐內取消 |
 |
| 兩小時無限量暢飲快將於住宿套餐內取消 |
 |
| 兩小時無限量暢飲快將於住宿套餐內取消 |
據消息人士透露，包含「Feed Me」二人晚餐嘅「尚萃．吃喝玩聚」住宿連餐飲優惠短期內好大機會會取消free flow 無限暢飲，所以大家要把握最後機會，優惠詳情：
「尚萃．吃喝玩聚」住宿連餐飲優惠
● 預訂日期：2021年3月11日至3月15日
● 入住日期：2021年3月12日至6月30日
房價由HK$1,380起+10% (週一至五)，HK$1,630起+10% (週六、日、公眾假期及公眾假期前夕)，費用包含：
● 入住標準大床客房 / 標準雙床客房一晚
● The Farmhouse咖啡廳雙人自助早餐 (用餐時間為60分鐘)
● Cruise 空中餐廳及酒吧 - 「Feed Me」二人套餐及2小時紅白餐酒、啤酒、橙汁及汽水無限暢飲 (供應時間：中午12時至2時／下午1時3時／晚上5時30分至7時30分／晚上8時至10時)👉(參考菜單)
透過阿迪哥預訂獨家禮遇
● 專享獲贈The Farmhouse Deli烘焙套餐兩份 (每份包括甜點/包點一件及飲品一杯)
● 星期日至四入住預訂標準客房免費升級海景客房 (公眾假期除外)
 |
| The Farmhouse Deli烘焙套餐 |
 |
| 海景客房 - 雙床 |
👉 按此進入專屬連結預訂可享阿迪哥獨家禮遇
同時間阿迪哥獨家優惠仲有另外兩個選擇：住宿連自助早餐及自助午餐$980起+10%與及住宿連自助早餐及自助晚餐$1,380起+10%，詳情👉(按此)。
大家記住要响5月15日前登記World Of Hyatt全球積分活動，2021年6月15日前每累積集團內酒店入住兩晚可享額外2,000分、累積入住滿10晚更可獲得免費住宿一晚！詳情👉(按此)。
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言