話說阿迪哥最近去咗Renaissance Hong Kong Harbour View嘅萬麗咖啡室食自助午餐，相信大家對呢家酒店、甚至呢間餐廳都已經非常熟悉，阿迪哥就成日食佢個自助早餐、但午餐就第一次，食得早餐多、說實話對佢嘅自助午餐零期望，但係聽其他食過嘅網友講，應該都唔會伏。
首先講講個自助餐佈局先，live station長吧枱一邊放凍海鮮、壽司及刺身；而另一邊熱熏；而另外放正中嘅一張長吧枱就放沙律及甜品等。
 |
| 萬麗咖啡室 |
 |
| 萬麗咖啡室 |
 |
| 萬麗咖啡室 |
自助餐中午12:00正式開始，開始前阿迪哥先走咗一圈，雖然食物選擇唔算超多，但睇落幾吸引，反正阿迪哥係貴精不貴多嘅人，樣樣好味就得，唔需要太多選擇，反正都食得唔多。
 |
| 萬麗咖啡室 |
由於阿迪哥食量唔多，不能夠全部食物都試哂，所以今次篇幅唔算全面，阿迪哥只揀睇落吸引嘅食物去試。
冷盤及壽司
 |
| 凍海鮮 |
 |
| 壽司及刺身 |
凍海鮮分別有麵包蟹、青口、長腳蟹、翡翠螺及凍蝦，睇落麵包蟹已經相當吸引， 係最快畀人攞哂嘅一款，不過職員都補充得幾快，長腳蟹都幾鮮味、最好食係麵包蟹同埋凍蝦，麵包蟹就相當多膏，最驚喜竟然係凍蝦！阿迪哥跟同行朋友同一時間都話蝦肉好彈牙、好鮮甜、好濃嘅蝦肉味，而凍海鮮嘅另一亮點係醬汁！除咗一般酒店有提供嘅Cocktail Sauce外，仲有另外三款選擇，包括辣芫茜醬、芝麻豉油汁及紅酒醋，因為本身阿迪哥唔係好喜歡Cocktail Sauce，辣芫茜醬及芝麻豉油汁就啱曬口味，睇得出廚師相當有誠意！
 |
| 麵包蟹、青口及長腳蟹 |
 |
| 長腳蟹、翡翠螺及凍蝦 |
 |
| 凍海鮮四款醬汁選擇 |
雖然壽司只有四款，但賣相就好吸引，三文魚壽司及吞拿魚壽司睇落好新鮮、飯粒仲好軟熟，不過吞拿魚食落就有啲乾、冇乜味道，而另外一款素食卷物阿迪哥都好喜歡，因為開頭錯在忍唔住食咗幾件壽司，令到刺身阿迪哥就冇試到，因為想留肚食其他熱熏。
 |
| 壽司 |
 |
| 壽司 |
 |
| 壽司 |
熱葷
阿迪哥本身食自助餐對熱葷麻麻，所以今次都好選擇性去挑選食物，但係完全冇揀錯，燒腩仔嘅皮非常香脆、肥瘦均勻真係好好食，另外仲有慢煮牛肉都係精品。
 |
| 燒腩仔 |
 |
燒腩仔皮脆肉嫩、麵包蟹多膏、凍蝦很鮮味、魚柳炸得好乾身
|
 |
| 慢煮牛肉賣相一流 |
熱熏方面阿迪哥仲試咗炸魚，理論阿迪哥食自助餐係唔會試嘅，但係目見佢炸得好乾身，所以就攞一件細件嘅試吓，點不知入口鬆脆之餘，除咗一啲油都冇、包住嘅魚肉仲好嫩滑，真係浪費quota都要試！
 |
| 烤椰菜花及炸魚柳 |
麵檔方面主打台灣牛肉麵，啲牛肉煮得好淋同埋好入味、個湯底都好濃郁，唯獨個麵就唔夠爽。
 |
| 麵檔主打台灣牛肉麵 |
 |
麵檔配料有貢丸、兩款麵及兩款蔬菜
|
 |
| 麵檔配料及調味料 |
 |
| 台灣牛肉麵 |
甜品
酒店自助餐嘅甜品阿迪哥通常都係主攻雪糕，今次提供咗5款口味嘅Häagen-Dazs，除咗最基本嘅三款口味朱古力、雲呢拿及士多啤梨之外，仲有兩款特別口味檸檬柑橘及朱古力蛋糕咖啡雪糕，阿迪哥只食到兩款，朱古力蛋糕咖啡雪糕好味又有口感，但朱古力就係一般嘅朱古力味、 阿迪哥本身就喜歡比利時朱古力口味有朱古力碎粒嗰種雪糕。
 |
| Häagen-Dazs雪糕 |
 |
| 一共有5款口味Häagen-Dazs |
至於其他甜品阿迪哥就只試咗其中三款蛋糕：栗子蛋糕、班蘭蛋糕及抹茶蛋糕，全部合格，最出色係班蘭蛋糕，充滿阿迪哥喜歡嘅班蘭香味，只可惜已經飽到想encore都冇能力。
 |
| 其他甜品 |
 |
| 其他甜品 |
 |
| 其他甜品 |
 |
| 其他甜品 |
 |
| 其他甜品 |
 |
| 其他甜品 |
 |
| 其他甜品 |
今次萬麗咖啡室嘅自助午餐實在太驚喜，而且好幸運所選擇嘅食物全部都好出色，不過有好多款食物阿迪哥都冇能力享用，例如酒店好出名嘅正宗印度咖哩、仲有兩款湯、沙律及大部份甜品阿迪哥都冇掂過，有機會一定再返去食！
 |
| 各式沙律 |
 |
| 各式沙律 |
 |
| 各式沙律 |
 |
| 各式沙律 |
 |
| 各式沙律 |
 |
| 各式沙律 |
 |
凍肉、芝士及煙三文魚，阿迪哥只試咗香草煙三文魚好食！
|
 |
| 有兩款湯完全冇機會試 |
 |
| 正宗咖喱 |
 |
| 其他熱葷 |
 |
| 其他熱葷 |
 |
| 其他熱葷 |
 |
| 其他熱葷 |
阿迪哥就了解過，酒店早前推出復活節住宿套票包含咗响八樓宴會廳舉行嘅復活節自助晚餐，據酒店講食物大致上相同 ，但就會加入芝士焗龍蝦、蜜汁烤火腿、巴馬臣芝士輪菇菌意大利飯與及一啲應節食品，例如復活節十字包、復活節曲奇、復活蛋杯子蛋糕、復活兔朱古力布朗尼及甘荀蛋糕等，有關復活節住宿套票詳情👉(按此)。
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言