籽想旅行 - 「旅遊噏乜GO」酒店會員常客計劃及Staycation訪問

 

早幾日香港蘋果日報及籽想旅行出咗一篇Staycation達人嘅訪問，其中一位嘉賓穿粉紅色polo嘅肥大叔在訪問中有講過跑萬豪終身白金會籍係為咗養老、曾經使用積分兌換過CP值最高例子等，說實話呢位大叔其實非常碎料，响本專頁充滿著各種酒店高人眼中其實大叔只係班門弄斧，不過另一位嘉賓Youtube「有啖好食」版主阿俊分享如何對文華東方呢個酒店品牌嘅迷戀及紀念品收藏就更有趣味，大家可以按入內文連結睇番呢篇報導及訪問片段。

相片由「有啖好食」提供

其實粉紅大叔就係阿迪哥，訪問本身早於一年多前已經被邀請，但因為社會上各種因素最終推遲到現在，說實話，用酒店達人來形容阿迪哥實在不敢當，阿迪哥只係一位弱弱的酒店blogger，講到酒店達人大有人在，响迪迪family及讀者群內充滿萬豪大使會員、終身萬豪鈦金會員、大滿貫擁有絶大多數酒店集團高階會籍及一個月長住不同酒店、每個月只返屋企過夜等等嘅酒店界高人大有人在，您地先係酒店達人！

截圖來自香港蘋果日報

講少少初心，當初開始做酒店blogger其實主要目的係因為當時香港及澳門缺少了一個專門發佈各大國際酒店集團每年推出各樣global promotions、同埋全面研究大部份酒店常客計劃嘅專頁及博客，包括：萬豪、凱悅、希爾頓、雅高、洲際及香格里拉，缺一不可。當初就係咁樣開始，雖然每次寫雅高全球積分優惠大家都說遠離雅高，但係到目前為止港澳都沒有一個專頁都保證全面報導以上全部國際酒店集團、全年所有積分優惠活動，呢樣就係阿迪哥作為酒店blogger嘅核心價值，而酒店入住報告、Staycation優惠及信用卡等就係日後嘅發展。

開業初期阿迪哥曾使用每晚30,000希爾頓分兌換Conrad Koh Samui嘅Ocean Pool Villa

講咁長篇其實只係想表達阿迪哥說不上酒店達人，但資料就一定會最齊、最新，希望大家繼續支持。

使用萬豪積分兌換都包含每日三餐及兩項沙漠活動，目前淡季70,000分、標準日子85,000分及旺季100,000分一晚兌換杜拜沙漠酒店Al Maha, a Luxury Collection Desert Resort & Spa仍然係非常抵deal。

唔講太多喇，唔阻大家慢慢重溫呢篇專訪：

截圖來自籽想旅行

👉 Staycation達人｜年住過百晚酒店跑終身會籍養老 狂儲紀念品屋企如文華博物館

如果想直接去片就可以直接睇以下YouTube (需要用卓面版網頁先睇倒)：

 

相片由「有啖好食」提供

特別鳴謝「有啖好食」提供相片。

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)