American Express - 期間限定：美國運通積分轉換至Marriott Bonvoy可獲享30%額外奬勵積分【優惠日期：2023年11月15日至12月15日】

 

終於來了！AE積分轉萬豪積分期間限定有30%獎勵呀！平常每轉9,000美國運通積分可獲得1,000萬豪積分，優惠期間則可獲額外30%，即是合共1,300分，其實AE上次轉萬豪係一年多前做過額外轉萬豪分送50%，雖然今次比率少咗，但要考慮埋AE轉飛行里數都貶值咗、轉酒店積分又無需手續費，況且以阿迪哥為例，儲AE積分本身都係為咗用嚟轉萬豪積分，所以今次定必all in。

今次優惠最大亮點係可以突破AE積分以18:1兌換飛行里數嘅盲點，因為萬豪轉飛行里數每轉20,000里送5,000里嘅關係(轉做聯合航空再多5,000里)，透過今次優惠間接地大約以17:1比率以AE積分轉換飛行里數，兼省回兌換手續費！萬豪擁有接近40個航空公司轉換飛行里數夥伴，熱門嘅Asia Miles、英航Avios、新加坡航空Krisflyer、ANA Mileage Club、日航JAL Mileage Bank當然有，兼且可以換到一啲香港信用卡做唔到、香港比較冷門嘅飛行里數計劃但充滿兌換亮點，例如阿拉斯加航空Mileage Plan！

優惠詳情

● 優惠日期：2023年11月15日至12月15日

👉 按此進入活動主頁查閱詳情

美國運通積分轉換至Marriott Bonvoy比率

基本兌換率 9,000 AE = 1,000 Marriott Bonvoy (額外30% = 共獲1,300 Marriott Bonvoy)

使用萬豪積分兌換飛行里數

如果使用AE積分直接兌換飛行里數，每18,000積分=1,000飛行里數(即18:1)，兼且需付轉換飛行里數手續費，但透過今次30%積分優惠則可以間接地免手續費轉分至萬豪、然後再轉到其他飛行里數計劃，比率更低至17：1及免除手續費。

例子1：

假設您使用手上嘅423,000 AE積分直接以18:1比率兌換飛行里數：

423,000 AE = 23,500里

例子2：

但是，如果把握今次優惠活動，首先將手上嘅423,000 AE積分轉到萬豪帳號賺多30%、而因為以萬豪積分轉換飛行里數比率為3:1 (例如3,000萬豪=1,000里)，不過一次過每60,000萬豪積分轉換飛行里數會額外多5,000里，即是60,000萬豪積分=25,000里，情況會是這樣：

423,000 AE = 47,000 Marriott Bonvoy (額外30% = 共獲61,100 Marriott Bonvoy)；當中轉60,000 Marriott Bonvoy = 25,000里，比起上述例子1多咗1,500里及1,100萬豪積分兼且免咗AE兌換手續費。

今次優惠將會响2023年11月15日開始至12月15日，大家千祈唔好咁心急即刻去換呀！

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)