DBS信用卡 - 推廣期內預訂香港酒店滿HK$2,000或以上，可享$100「一扣即享」折扣【推廣期：2020年6月26日至2020年9月30日】

近排大家都Staycation、所以DBS趁勢推出香港本地酒店簽帳$100「一扣即享」優惠，雖然優惠力度唔算大，不過唔洗硬衝、有卡咪簽囉，來得自然又舒服都係好事。

香港麗思卡爾頓酒店 - Deluxe Suite包行政酒廊待遇跌破新低價，每晚$3,040+10%【入住日期：即日至2020年7月10日】

感謝頭粉無私報料，大家明天可請假嗎？或者7月2日、7月6日放都得！各位一路提出「評語」一路繼續住嘅香港麗思卡爾頓酒店Deluxe Suite跌破新低價，包埋兩位Club行政待遇跌破底線$3,040+10%(合共$3,344)！即係可以食足至少6餐！

IHG Rewards Club - 積分浮動制已經伸展至香港及澳門酒店！

較早前阿迪哥有報導過IHG積分部份地區已經進入浮動制，包括台灣、中國大陸、越南、日本及韓國等，當中有不少亮點，目前浮動制已經伸展到香港及澳門酒店，香港Hotel Indigo每晚17,500分起、海景嘉福每晚30,000分起、澳門Crowne Plaza每晚15,000每起。

Hotel Review：W Hong Kong (香港W酒店)

香港W酒店於2008年1月試業，並於同年8月8正式開業，酒店設計概念以自然和五行(金、木、水、火、土)為基礎，跟接連在一起嘅圓方商場設計意念一脈相成，而香港W酒店的最大特色，是每間客房有不同風格的主題設計。

Marriott - 沙田萬怡酒店MoMo Café (伊比利亞黑毛豬主題自助晚餐)

阿迪哥月尾返要屋企畀家用、順便食埋酒店主餐廳MoMo Café每位加五毫子嘅「伊比利亞黑毛豬主題自助晚餐」，究竟好唔好食、有啲乜嘢食呢？

香港麗思卡爾頓酒店 - 行政酒廊下午茶由英式三層架轉為自助餐形式

多謝頭粉報料，網友今日實時報料，响香港麗思卡爾頓酒店嘅Club Lounge食下午茶改為自助餐型式，網友並影咗一批相片比大家「欣賞」。

Marriott - 大阪難波萬楓酒店(Fairfield by Marriott Osaka Namba)將於2020年7月1日正式開幕

疫情後如果去大阪旅行、萬豪集團又多一個選擇，阿迪哥覺得如果去大阪血拼呢家新酒店Fairfield by Marriott Osaka Namba係一個幾好嘅選擇。

香港W酒店 - “Live it Up with Veuve Cliquot” Package歡樂冒泡香檳住宿假期，每晚$3,100起+10%【入住日期：即日至2020年9月30日】

原來真係好多網友對美酒Staycation假期有興趣，今次阿迪哥介紹呢個Package由頭粉推介，香港W酒店呢個歡樂冒泡香檳住宿假期唔係包標準房呀！而係包含：一晚Fabulous Room、兩杯Veuve Cliquot香檳歡迎飲品、60分鐘Veuve Cliquot大使私人tasting class、黃昏享用Veuve Cliquot玫瑰香檳一支及Veuve Cliquot驚喜小禮物！

香港海景嘉福洲際酒店 - 全港首創「情迷威士忌」主題住宿計劃【入住日期：2020年7月1日至2020年8月31日】

愛酒人仕注意！海景嘉福酒店最新推出一個「情迷威士忌」住宿計劃，最啱剛入門接觸威士忌初學者，雖然唔係玩零房價之類、但係玩味十足，呃like必備！價錢由$1,988起+10%，包含尊尚半海景或海景客房一晚、Tiffany's紐約吧威士忌之旅(每位三杯)、二人晚餐連兩杯餐酒及迷你威士忌朱古力蛋糕。

Hotel Preview：疫情復賽後賽程緊密需週中快車，週中英超暫停、轉戰歐聯@香港四季酒店

阿迪哥週中來個非萬豪stay，今次只係第二次入住Four Seasons集團內嘅酒店，首次入住四季係位於大溪地嘅Four Seasons Bora Bora，由於該酒店係全球四季其中一家旗艦、屬奢華品牌中的頂級、亦係小島內價錢最高昂嘅酒店，當時實在有很大期望，但可惜最終服務上有點落差，亦因此對四季品牌有點陰霾，至於今次香港四季酒店體驗如何？照慣例先跟各位網友分享10張精選相片。

香港W酒店 - Klook限定快閃星期四(6月25日中午12:00)：香港W酒店KITCHEN指定自助晚餐買1送1(人均只需$329.5！)

今日(6月25日中午12:00)又有嘢搶喇！目前香港已進入報復式消費階段，好多酒店餐廳都好難訂，今次Klook做呢個W自助晚餐係食尾輪(20:30-22:30)人均只需$329.5！唔好嫌佢夜啦，平時你地都係凌晨兩、三點都pm我架啦！哈哈哈！報復式搶爆佢吧！

馬爾代夫 - Jumeirah Vittaveli將會轉為由Atmosphere集團管理，並改名為OZEN Reserve Vittaveli

成立時間唔算長嘅酒店集團Atmosphere近年不斷拓展酒店，本身响馬爾代夫已經有五家酒店，最新消息將會响2020年10月接手杜拜Jumeirah集團(簡稱帆船酒店嗰間)管理旗下响馬爾代夫唯一一家酒店Jumeirah Vittaveli、並將名稱為OZEN Reserve Vittaveli。

香港JW萬豪酒店 - Wellness Staycation每晚$2,300起+10%【入住日期：即日至2020年9月8日】

JW Marriott Hong Kong呢個package亮點除咗包埋兩位晚餐外、亦可選擇換$1,000餐廳消費額(好多網友建議用來去萬豪金殿飲茶)，早餐包含兩大兩細、升級海景客房、免費泊車及雙倍Marriott Bonvoy積分...等等。

Hotel Preview：阿迪哥人生首次要求不要升級套房@香港W酒店

今個週末屬於大鄉里類別嘅阿迪哥首次入住香港W酒店，今次係把握6月份「萬豪紛享會員日」加$1送晚餐優惠預訂，因為阿迪哥對自助餐麻麻，而W酒店嘅$1晚餐係包含星宴中式套餐，因此就更加適合，而今次亦係人生首次要求不要升套房。

完整體驗報告出爐前，先實時發佈10張精選相片、與及分享少少個人感受。

Marriott - 萬豪集團必需於2020年8月31日前全面撤出古巴酒店市場

特朗普政府決定不續簽萬豪於古巴啲營運執照，唯一一家古巴酒店Four Points by Sheraton Havana將於2020年8月31日前摘牌。

香港喜來登酒店 - Towers Room包埋Towers Lounge行政酒廊，每晚$493起+10%【入住日期2020年8月16日至8月20日】

嘩！深夜放毒呀，粉絲報料疑似bug價，香港喜來登包埋Tower Lounge行政酒廊嘅Towers Room每晚$493起+10%！如果你係新手的話，包埋Towers Lounge即係包埋下午茶、Happy hour同埋早餐架！

香港W酒店 - 惠顧酒店餐廳滿$500可獲半價住宿連早餐優惠券【活動日期：2020年6月22日至2020年7月31日】

由2020年6月22日至2020年7月31日惠顧香港W酒店內餐廳滿$500可獲半價住宿連早餐優惠券一張！

World Of Hyatt - 購買積分促銷可獲額外30%【即日至2020年7月29日】

凱悅集團嘅積分可以算得上酒店界最強嘅貨幣單位之一，一般Hyatt每年會做幾次買分促銷，通常會係30%-40%額外獎勵，而今次促銷由即日起至2020年7月29日，只需一次過購買最少5,000分即可獲額外30%，阿迪哥就認為响近來眾多酒店集團積分促銷之中Hyatt嘅CP值最高，不過如果唔急用就等40%先入手啦。

香港JW萬豪酒店 - 訂閱酒店電子報可獲7折自助餐禮券或萬豪金殿餐酒一支【使用日期：即日至2020年8月31日】

嘩嘩！正呀喂！原本Marriott Bonvoy嘅會員响JW Marriott Hong Kong用餐唔會有任何折扣，但係而家只需要訂閱酒店電子報就可以獲得7折自助餐禮券或萬豪金殿餐酒一支！仲好過上網搶預付嗰啲voucher呀！

Hotel Review：Hong Kong Ocean Park Marriott Hotel (香港海洋公園萬豪酒店)

「香港海洋公園萬豪酒店」係屬於「香港海洋公園」重新發展計劃興建的兩家酒店中首先開業嘅一家酒店，位處海洋公園旁的市區度假式商務酒店，於2018年10月開業。

澳門銀河 - 6.18年中鉅惠酒店買一送一【預訂日期：即日至2020年6月30日】

嘩！澳門銀河集團6.18買一送一優惠，住兩晚收一晚費用，唔好鬧住先啦，預訂可以响入住前一日免費取消架！咁即係訂咗先算啦！當中最矚目當然係兩家萬豪集團，Ritz-Carlton, Macau稅前平均每晚港幣$1,513、JW Marriott稅前$729、另外其他集團：Banyan Tree稅前$1,950、大倉$749、百老匯$469、星際$780、銀河$699起！

Marriott Bonvoy - 積分預訂全球超過5,500家酒店7月份入住全部以淡季計算及今年所有尊貴會員將會獲增50%保級晚數！

嘩！Marriott Insiders帶來兩個重磅消息！！首先7月份大部份酒店積分以淡季計算、而最重重重磅係會依照2019年所獲得嘅尊貴會籍送您50%相應保級晚數，即係代表如果你係白金會員、今年內只需要住45晚就可以升鈦金！

Marriott Bonvoy - 香港萬豪酒店餐廳優惠及參與酒店餐廳折扣清單【2020年6月版】

經小斯嘔心瀝血狂打電話及另外一位版主H.K Stay酒店- 酒店航空交流和阿迪哥協助下，完成咗呢篇全港11間萬豪酒店嘅Marriott Bonvoy會員折扣及非入住期間用餐累積積分總清單，希望方便大家。

香港維港凱悅尚萃酒店 - 長期住宿優惠每晚$507起+10%，衝Globalist佳品【入住日期：即日至2020年8月31日】

屋企裝修人仕福音！若果你有需要離家出走、被老婆趕出廳瞓唔習慣或者屋企裝修，可以考慮吓Hyatt Centric Victoria Harbour Hong Kong呢個長期住宿優惠，順便用最低成本衝World Of Hyatt最高級會員級別Globalist！

Marriott Bonvoy - 香港東涌兩家萬豪集團新酒店積分等級

萬豪兩家將會响香港開業嘅新酒店公佈咗積分Category喇，可以話係合乎預期。

Hotel Preview：不能外遊都可以在港平嘆泰國名牌HARNN Heritage Spa止咳 (香港海洋公園萬豪酒店)

真係好掛住泰國呀，已經差唔多半年冇去過旅行😭，所以當海洋公園萬豪酒店一推出呢個“An Absolute Indulgence Detox Package”(其實點讀？🤔)就對此亳無懸念，因為阿迪哥好喜歡泰國著名香薰品牌“HARNN”，由佢主理嘅“HARNN Heritage Spa”就當然更令阿迪哥心心眼😍，雖然包含嘅香薰按摩只有一位住客，但係第二位住客平日有半價、星期六亦有6折，包含嘅60分鐘香薰按摩正價每位要$960+10%、計番兩位按摩合共就已經要$1,920+10%，所以補埋第二位按摩都仲係超抵！

依照慣例，完成入住報告前首先嚴選10張相片透露小小個人感受先。

IHG Rewards Club - 積分浮動制已擴展到日本及韓國，InterContinental只需20,000分起！

如有情況不變IHG積分真係玩後過，繼早前中、台、越南等轉為積分浮動制後，而家輪到日本、韓國，假若用積分來訂淡季嘅洲際真的除便搜尋都搵到亮點。

香港港麗酒店 - Klook Staycation Experience獨家限定優惠$2,800(已包含服務費)，包含：海景客房、二人意式或法式晚餐、早餐及行政酒廊【入住日期：即日至2020年7月31日】

阿迪哥較早前介紹過Conrad Hong Kong有一個包餐廳消費額嘅優惠較適合有Hilton Honors金卡或鑽卡嘅會員入住，但今次介紹呢個優惠就雖然貴少少，但就適合非高階會員或一般純Staycation去享受、並無會籍束縛嘅人仕入住，呢個Package亮點係包含埋高級晚餐、無高階會籍人仕都可使用行政酒廊...等。

IHG Rewards Club - 期間限定：大中華地區酒店餐廳用餐高達85折+非入住期間用餐可獲獎勵積分【即日至2020年9月30日】

本身IHG Rewards Club個會員計劃唔似其他對手咁非入住期間於酒店用餐都可以累積積分，雖然今次只係期間限定、但總算係一個突破。

香港瑞吉酒店 - 住宿及餐廳禮券優惠高達77折【發售日期：即日至2020年6月14日】

本身冇諗住介紹呢個優惠券，因為使用日期好短、只能去到2020年6月30日，但因為數日前出咗篇St. Regis Hong Kong嘅體驗報告、同埋萬豪旅享家會員餐廳折扣都幾多網友討論呢家酒店，本身呢家酒店會員係冇折嘅，但購買今次呢種券就最高可享77折，黎緊今個月内有網友入住可能都啱用、當然專程去食餐飯亦都值得。

Marriott Bonvoy - 會員限時暢享額外2,000、2,500或3,000積分【入住日期：2020年6月11日至2020年7月7日】

呢個其實係跟隨每月「萬豪旅享家會員日」嘅延續篇，睇黎將會係常態咁做，72小時flash sale後就無縫銜接，2020年7月7日前入住會員可賺取額外積分，預訂指定價錢嘅標準客房、行政客房或套房/别墅可分别獲得2,000分、2,500分或3,000額外奬勵積分。

香港港麗酒店 - Leisure Escapes 每晚$2,100起+10%，包含：$1,000飲食消費額、免費早餐及房間升級【入住日期：即日至2020年8月31日】

有頭號粉絲提醒阿迪哥，大家好似已經忘記咗希爾頓集團咁，靜咗好耐嘅Conrad Hong Kong終於有好deal喇！嘩！！今次呢個Leisure Escapes Package只係跟一般Flexible Rate定價就可以享有一系列優惠，包括：$1,000飲食消費額、免費早餐及升級豪華海景房！最低價錢暫時主要集中8月份，扣除$1,000消費額相當於成本$1,100住Conard！！今次真係deal得過！

優惠延長：Marriott Bonvoy - 會員於亞太區酒店用餐高達8折，大中華區酒店高達7折【即日至2020年12月31日】

响萬豪集團旗下酒店餐廳内用餐、水療服務，即使非入住期間都一樣可以累積Marriott Bonvoy積分，不過只有响亞太區酒店先可以儲分(指非入住期間)，不過已經好適合住香港嘅我哋啦！而且當入住resort度假酒店時真係最合用。

Hotel Review：The St. Regis Hong Kong (香港瑞吉酒店)

香港瑞吉酒店開幕前各位酒店粉絲均非常雀躍及期待，最終於2019年4月11日正式開幕，酒店室內設計由當時剛完成曼谷Waldorf Astoria嘅設計師傅厚民(André Fu)操刀，傅厚民是當今華人圈最著名嘅室内設計師之一，其設計融合St Regis經典元素、香港多元文化與及現代精緻格調來打造這家屹立於灣仔香港會議展覽中心附近、萬豪集團進駐港島區全新旗艦奢華酒店。

香港文華東方酒店 - 「文華東方逸居之旅」每晚$2,980起+10%，包含：兩大一小早餐、$888酒店消費額、客房升級、各項特備活動及24小時彈性時間入住等優惠，重點喺額外預訂第二間客房只需$888+10%【入住日期：2020年6月18日至6月21日】

早排介紹過文華東方酒店有個唔洗二千蚊一晚頗受歡迎嘅住宿優惠，而今次阿迪哥介紹呢個若果响父親節期間有需要一次過訂兩間房就更加抵，因為第二間房只需$888，計番每房平均價仲平過上次嘅優惠，而且第一間房仲附帶一系列禮遇。

World Of Hyatt - Bonus Journeys三倍積分活動+尊貴級別會員首次入住2,500奬勵積分【入住日期：2020年6月15日至2020年9月15日】

凱悅酒店集團推出2020年第二次入住積分活動，距離上一個積分推廣活動剛好一個月空窗期，玩法同之前大同小異，都係第二次入住先計，不過尊貴級別會員活動期間第一次入住會有2,500分奬勵，三倍積分好少見，响目前處於鎖國嘅狀態底下推出三倍算應該合理吧。

Marriott Bonvoy - 六月份「萬豪紛享會員日」72小時期間限定套房半價或加$1包雙人晚餐！【預訂日期：2020年6月8日至6月10日】

終於等到8號，苦等一個月嘅「萬豪紛享會員日」終於來臨，大家過去一個月都住咗好幾次酒店，一直都猜測及期望今個月會員日冇乜嘢震撼優惠，最終答案係延續上個月好受歡迎嘅套房半價、另一個優惠係加$1包雙人晚餐！

Hotel Preview：暴雨警告之下的香港瑞吉酒店

😭點解每個週末都落狗💩，今個週末轉到萬豪港島區大佬St Regis宅酒店，酒店於開幕前令人非常期待，但自從開幕後被酒店冠名嘅宇宙最強KOL入住過後一切就好像靜止下來，無他嘅，談論間通常都係話酒店位置唔好、冇乜海景、泳池唔吸引咁啦，究竟今次入住體驗有冇伏？

照老規矩响完整入住報告完成前先嚴選10張精選相片再透露少少個人感受。

香港One-Eight-One Hotel - 「愜意小旅行」每晚$1,888+10%入住海景套房，包含：三瓶意大利紅白酒、小食籃、餐飲半價及免費泊車【入住日期：即日至2020年7月31日】

今次阿迪哥介紹呢間2019年12月新開幕嘅Boutique Hotel唔係因為佢有崩盤價，而係貪佢夠chill，肯定係呃like佳品，package包埋3支紅酒或白酒、酒鬼可以一人揸一支盡情暢飲！酒店設有兩間型格餐廳，包括一間歐式餐館及一間港式冰室，入住期間餐廳可享半價，全店沐浴備品提供阿迪哥好喜歡嘅Molton Brown！房間座擁無邊際轉角海景、彷如西環版RC😂😂、絕對係香港酒店中嘅hidden gem。

香港新樂酒店將於2020年6月13日結業

跟香港走過無數高低起伏，屹立佐敦彌敦道逾60年嘅新樂酒店最終敵不過肺炎，宣佈將於下週六2020年6月13日結業。

香港Hotel Icon - 唯港盛宴之旅「食+住+行政酒廊尊尚體驗」每晚$1,950起+10%【入住日期：由即日至2020年8月31日】

若果想响香港度過一個輕旅行、而又唔需要一定入住國際集團酒店、可以考慮一下Hotel Icon呢個包埋一餐及行政酒廊嘅package，包含嘅餐飲體驗有多項選擇，好多人都知道過往佢個The Market自助餐一檯難求，而家package可以包埋食、住、酒廊，酒店嘅Spa係由Angsana主理，住客做Spa仲有優惠添！

香港沙田凱悅酒店 - 最新推出「食‧住‧玩」package每晚$900起+10%，包含：海景客房連每天早餐、餐飲7折、延遲退房至下午4時【入住日期：即日至2020年9月30日】

說實話，Hyatt Regency Sha Tin呢個「食‧住‧玩」package並非吸引到令人無抵抗力嗰種，但因為都有部份網友打算今年衝Globalist，所以除咗可以平刷北角Hyatt Centric之外仲可以多一選擇，至少都住海景房、有雙早、late check-out，都叫做有待遇下平刷。

數碼港艾美酒店 - 限量快閃優惠，酒店現金券及飲食套餐高達8折【發售日期：即日至2020年6月14日】

買債券買到破產揮手區🙋，今次輪到Le Méridien Cyberport賣券，當中包含「南坊」中式晚市套餐$605、二人份下午茶套餐$352、仲有酒店8折現金券，雖然折扣力度不大(8折)，但係酒店現金券仍值得少量入手，等阿迪哥先分析一下畀大家作考慮。

Hotel Review：The Ritz-Carlton, Hong Kong (香港麗思卡爾頓酒店)

2011年3月開幕的The Ritz-Carlton, Hong Kong位於香港地標ICC之內，飽覽無限香港天際線、與及維多利亞港壯闊景色，而且入夜後、對岸燈色璀璨風華，置身其中彷如整座城市就在我腳下，是香港極具魅力嘅酒店之一。

Virgin Atlantic - Flying Club網站技術問題暫停服務？(更新：網站已回復正常)

大家手上有維珍航空Flying Club里數嗎？目前網站顯示因技術問題暫停提供服務、並會儘快回復正常服務。

Marriott - 香港麗思卡爾頓酒店Club Lounge竟然有供應支裝可口可樂！

何解阿迪哥咁大驚小怪？大家有沒有留意入住萬豪集團酒店時所供應嘅汽水只有Pepsi、而沒有Coca-Cola呢？其實當中有一段故事。

九龍香格里拉酒店 - Flash Sale每晚$780起+10%，仲包含提早入住及延遲退房【預訂日期：2020年6月1日至2020年6月7日】

嘩！Kowloon Shangri-La應該有史以嚟都未出現過呢口價吧！？而且仲包含埋早上10點入住、下午4點退房、另外，包含行政酒廊待遇嘅Horizon Club Deluxe Room都只係$1,680起+10%、行政套房$2,330起+10%！

World Of Hyatt - 越南富國島Nam Nghi Phu Quoc Island已離開凱悅集團

有網友問阿迪哥何解响凱悅官網搜尋唔倒Nam Nghi Phu Quoc Island呢間酒店，是否已經不再屬於Hyatt旗下The Unbound Collection？