真係好掛住泰國呀，已經差唔多半年冇去過旅行😭，所以當海洋公園萬豪酒店一推出呢個“An Absolute Indulgence Detox Package”(其實點讀？🤔)就對此亳無懸念，因為阿迪哥好喜歡泰國著名香薰品牌“HARNN”，由佢主理嘅“HARNN Heritage Spa”就當然更令阿迪哥心心眼😍，雖然包含嘅香薰按摩只有一位住客，但係第二位住客平日有半價、星期六亦有6折，包含嘅60分鐘香薰按摩正價每位要$960+10%、計番兩位按摩合共就已經要$1,920+10%，所以補埋第二位按摩都仲係超抵！
依照慣例，完成入住報告前首先嚴選10張相片透露小小個人感受先。
目前Marriott嘅酒店使用來自泰國嘅沐浴備品THANN，係阿迪哥喜歡嘅10大酒店沐浴備品之一👉(按此)，而HARNN和THANN兩者曾經係屬同一公司嘅兄弟品牌、但而家已經各自獨立營運，雖然THANN好似較高知名度，但其實HARNN(1999年)創立時間還比THANN(2003年)早，HARNN嘅產品型像比較復古，注重天然素材原創性，品牌偏向奢華及東方色彩；而THANN就比較現代時尚，偏向中性。
相信好多網友都已經入住過呢家酒店，對酒店比阿迪哥更熟悉，今次入住主要目的係因為要享受“HARNN Heritage Spa”，因此呢篇preview亦主要集中於水療服務上。
海洋公園萬豪酒店内嘅Spa係全港唯一一家HARNN Heritage Spa
Spa裡面有HARNN嘅產品發售
Spa裡面亦有售Marriott度假酒店專屬Owen Owl毛公仔，而且仲有刻名服務 ，呢件紀念品阿迪哥當然唔會放過，而且仲可以刻上“hea hotel”。
按摩室在下層，裡面有鯨魚設計裝飾
按摩室
按摩前按摩師先幫阿迪哥用磨砂洗淨雙腳 ，知啦，我明白我冇小斯腳...
HARNN Heritage Spa專屬拖鞋
今次Package包含嘅係60分鐘香薰按摩，按摩師力度恰到好處、穴位準繩，本身HARNN最出名就係佢出品嘅按摩精油，按摩師嘅功夫加上迷迭香按摩油嘅香氣令到虎背熊腰嘅阿迪哥舒服到差點入睡，但阿迪哥嘅理智叫自己要保持清醒好好去享受呢60分鐘時光，整個場景就好似置身响泰國度假一樣，完成按摩後感覺來回暹羅又折返人間。
相信好多城市人都有頭痛問題，响按摩療程尾聲嘅頭部按摩部份完全令頭痛消失，好過食Panadol。
HARNN迷迭香按摩油👍
按摩完成後提供一杯薑黃排毒茶及曲奇餅，排毒茶味道帶點苦澀，據講除排毒外仲有效促進新陳代謝功效。
申延閱讀：香港海洋公園萬豪酒店 - 住宿+HARNN排毒Spa Package $1,390起+10%，包含一晚住宿、一位按摩及兩位早餐【入住日期：即日至2020年12月31日】👉(按此)
好多網友都已經住過海洋公園萬豪酒店呢家酒店，阿迪哥亦聽過好多人對呢間酒店嘅睇法，至於阿迪哥入住後嘅觀感及體驗又好何呢？密切留意酒店入住報告。
👉 按此進入酒店官網查詢房價及訂房
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言