阿迪哥週中來個非萬豪stay，今次只係第二次入住Four Seasons集團內嘅酒店，首次入住四季係位於大溪地嘅Four Seasons Bora Bora，由於該酒店係全球四季其中一家旗艦、屬奢華品牌中的頂級、亦係小島內價錢最高昂嘅酒店，當時實在有很大期望，但可惜最終服務上有點落差，亦因此對四季品牌有點陰霾，至於今次香港四季酒店體驗如何？照慣例先跟各位網友分享10張精選相片。
今個Preview先分享三樣東西，首先分享一下房間...
今次入住豪華海景客房(Deluxe Harbour-View Room)，阿迪哥首先想講Four Seasons係一個classic luxury嘅酒店品牌，因此房間設計亦非常傳統，雖然酒店已開業15年但房間保養仍然做得好好、但設計就明顯係上一個年代，完全沒有時尚嘅開放式設計。
沐浴備品，全球大部份嘅四季酒店標準客房通常都供應L'Occitane，而香港四季目前係提供綠茶及苦橙香氛系列(The Vert & Bigarade)。
疫情期間客房消毒用品相當齊備，包括有酒精消毒濕巾、酒精搓手液、仲有獨立包裝口罩，阿迪哥真係「哇！」咗一聲！
免費飲用水係玻璃瓶裝Evian...讀者請自行配上適當三字感嘆詞XXX...
然後再講硬件設施中最重要嘅泳池...
游泳池有一個訓練池及一個較適合嬉水嘅主池，兩個面積都很寬闊，而旁邊亦有兩個按摩池，暖水按摩池成正方型、而冷水按摩池是L型圍繞暖水池、另外還有一個圓形小冰水池，泳池範圍有很多太陽椅、亦包括有幾個雙人cabana，總計一共有成80幾個位置，泳池範圍盡覧維港全景，硬件一流，是阿迪哥目前响香港酒店當中最喜歡嘅泳池。
泳池當值職員不時送上咖啡沙冰及雪條等...
最後就講早餐...
The Lounge早餐提供單點，每星期食酒店自助餐食到好悶，所以有a la carte早餐阿迪哥格外興奮，早餐有和牛食呀！
酒店擁有非常優越嘅硬件配備、至於最重要嘅酒店軟體服務又如何呢？在此先賣個關子，完整入住報告完成後再作交代，stay tune...😜
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言