今個週末屬於大鄉里類別嘅阿迪哥首次入住香港W酒店，今次係把握6月份「萬豪紛享會員日」加$1送晚餐優惠預訂，因為阿迪哥對自助餐麻麻，而W酒店嘅$1晚餐係包含星宴中式套餐，因此就更加適合，而今次亦係人生首次要求不要升套房。
完整體驗報告出爐前，先實時發佈10張精選相片、與及分享少少個人感受。
入住前跟酒店溝通關於房間升級嘅可能性，酒店竟然問阿迪哥對於邊種房型有興趣，嘩！有得升都已經執到啦，仲有揀？
 |
| Cool Corner Room係唯一一種房型浴室係面向維港 |
咁阿迪哥又唔會答話要過萬蚊一晚嘅Extreme WOW Suite嘅😂、而第二高級别嘅WOW Suite阿迪哥亦都唔係太屬意，因為真係唔需要咁大個空間，真心唔洗响房間踢足球、亦冇打算開四檯麻雀共宴親朋。阿迪哥比較喜歡Marvelous Suite，不過因為週末入住率偏高，因此機會比較細，其實另一種套房Fantastic Suite仍有機會的，不過多得友站H.K Stay酒店版主推介、酒店方面亦能提供升級Cool Corner Room，最終阿迪哥亦放棄升套房機會。
 |
| 天清氣朗嘅維港依然很美 |
浴室係整間Cool Corner房嘅亮點，因為整間酒店只有三種房型嘅浴缸有景觀，分別係今次入住Cool Corner Room同埋Marvelous Suite、及整家酒店最高級別嘅套房Extreme WOW Suite，而Cool Corner Room係唯一一種房型浴室係面向維港。
 |
| 相信大家應該對W酒店沐浴備品bliss非常熟悉 |
因為係轉角房，因此卧室有一邊長玻璃及一度小玻璃，而兩邊玻璃轉角位正好向住維港，呢個位亦係房間另一個小亮點。
 |
| Cool Corner嘅轉角位眺望維港 |
而今次入住另一個重點係星宴會員日套餐，實際上服務由入住前已經開始，因為阿迪哥非常偏食，所以跟星宴職員來回電話及電郵好幾次，最後職員好亦好有耐性及妥善地安排人好餸菜，要知道呢個只係會員優惠套餐，餸菜即使冇得更改亦很理解，阿迪哥真係十分感謝星宴嘅理解及配合，再次感謝負責為阿迪哥安排嘅Carrie及總廚陳師父。
 |
| 星宴中菜廳 |
 |
| 阿迪哥近來喜歡研究酒店餐廳提供嘅口罩套，雖然香港W用信封，但係係一個别注版 |
至於餸菜方面亦冇令阿迪哥失望，因為呢篇只係完整體驗文完成前嘅preview，因此其他詳情再响稍後嘅完整文章內再報告。
 |
| 星晏招牌燒味拼盤： 西班牙黑豚叉燒、脆皮燒腩、香麻海蜇 |
 |
| 露荀炒蝦球 |
 |
| 醬皇野菌牛柳條 |
 |
| 星宴甜品碟：迷你首烏芝麻糊、 芝麻餅及綠茶椰汁榚 |
簡單總結，香港W酒店嘅服務more than I expected，至於其他細節請密切留意香港W酒店完整hotel review...
👉 按此進入酒店官網查詢房價及訂房
沒有留言:
張貼留言