Hotel Preview：暴雨警告之下的香港瑞吉酒店

😭點解每個週末都落狗💩，今個週末轉到萬豪港島區大佬St Regis宅酒店，酒店於開幕前令人非常期待，但自從開幕後被酒店冠名嘅宇宙最強KOL入住過後一切就好像靜止下來，無他嘅，談論間通常都係話酒店位置唔好、冇乜海景、泳池唔吸引咁啦，究竟今次入住體驗有冇伏？

照老規矩响完整入住報告完成前先嚴選10張精選相片再透露少少個人感受。

St Regis嘅signature之一：旋轉樓梯

Metropolitan Suite可以透過鷹君中心及萬麗海景酒店之間嘅一度窄縫遙望西九龍那邊嘅ICC及海景，酒店嘅地理位置確實係先天性不足嘅缺陷。

房間配備免費飲用水唔係清涼蒸餾水呀，而係來自英國嘅Llanllyr

香港St Regis teddy bears及管家手寫生日卡，管家文武雙全，識畫畫、服務又了得。

入住前收到管家寄來嘅電郵詢問阿迪哥抵達酒店時間與及對房間有什麼要求，於是阿迪哥就即管問問除了St Regis基本備品Reméde外是否可提供其他種類沐浴備品，而管家回覆可提供法國品牌Guerlain，當時阿迪哥或多或少已經感受到這家酒店的服務水平。

香港版本Canto Mary加入了陳皮、五香粉及九龍醬園豉油

酒店入面每間餐廳都會為客人提供其别注版口罩套，“奢華”兩個字唔係空講，還要配合“細緻”呢兩個字。

早餐原隻鮑魚雞粥滿分！

 泳池當值職員送上可口水果茶

酒店泳池The Verandah Pool說實話當看到酒店相片時完全不吸引，長型泳池不算大、雖然亦不算小，但沒有附設按摩池，更被石屎森林重重包圍、零景觀，但沒期待就沒傷害，偏偏這裡就令阿迪哥愛到不能自拔，何解？

總括整個入住體驗阿迪哥極之滿意，但先賣個關子，密切留意完整入住報告！

👉 按此進入酒店官網查詢房價及訂房

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)